Towxiidka iyo Noocyadiisa – التوحيد وانوعه

Horta waxa is waydiin mudan waa maxay Towxiidku? Towxiidku waa ku keliyaynta Allaah Cibaadada, taas oo Allaah u abuuray Caalamka awgeeda, siduu yidhi Allaah tacaalaa:[الذاريات: 56] {وما خلقت الجن والإنس إلاليعبدون} {wax kale umaan abuurin Jinka iyo Insiga inay I caabudaan maahee}, macnuhu waa inay igu keliyeyaan Cibaadada oo iguna keliyeyaan Ducada. Waxay kaloo jawaab u tahay kuwa ku andacooda in Dunida Maxamed sala Allaahu Calayhi wasalam dartiis loo abuuray.

Towxiidka Noocyadiisa waa sidan oo laga soo qaatay Quraanka iyo Sunnaha:

1. Towxiid arubuubiya: waa inaad ictiraafto in Allaah uu yahay, Rabi iyo Khaaliq, Towxiidka noocan ah way ictraafeen Gaaliid oo waa ogolaayeen, hase yeeshee ictraafkoodanu ma gelinin Islaamka Allaah sareeyee wuxuu yidhi: [الزخرف:87] {ولئن سألتهم من خلقهم ليقولن الله } {hadaad waydiiso yaa abuuray iyaga(waa gaalada) waxay odhan Allaah }, waxa se inkiray in Rabi jiro Shuuciyiintii markaa gaalnimadoodu waa ka darayd oo ka waynayd Gaaladii waqtigii jaahiliyada.
2. Towxiid Aluluuhiya: waana inaad ku keliyayso Allaah Cibaadooyinka Sharciga ah, sida Ducada, Kaalmaysiga, Dawaafka, Gowracaada, Nadarka iwm. Towxiidka noocan ah waa kii ay jaaxideen Gaaladu waana kay isku cadaawadaysteen Umadaha iyo Rasuuladu, laga soo bilaabo Nuux calayhi salaam ilaa iyo Maxamed sala Allaahu calayhi wasalam, Quraanka kariimka ahi suurado badan wuu inaku booriyey Towxiidkan iyo inaan u Ducaysano Allaah kelidii, Suurada Alfaatixa waan aqrinaa: {إياك نعبد وإياك نستعين} {adiga ayaanu ku caabudaynaa oo adiga uun baan ku kaalmaysanayn}, ula jeedadu waa adiga uun baan kugu khaas yeelaynaa cabidada oo aduun baan ku kaalmaysanaynaa kelidaa. Hadaba Towxiid Aluluhiya waxaa ka mid ah inaad Allaah ku keliyaysid Ducada iyo isku xukumista Quraankiisa iyo inaan ku kala xukum qaadano Shareecadiisa, kuwaas oo dhamina waxay ku dhex jiraan hadalka Allaah tacaalaa: {إننى أنا الله لا إله إلا أنا فاعبدنى [طه:14]} {anigu waxaan ahay Allaah,ma jiro Jiritaanka ilaah kale oo xaq lagu caabudaa anigu maahee ee I caabud}.
3. Towxiid Alasmaa wa Sifaat: waxa weeye in la rumeeyo dhamaan wixii lagu sheegay Quraanka kariimka ah iyo Xadiisyada saxeexa ah oo ah Sifooyinka uu Allaah ku sifeeyey naftiisa ama uu ku sifeeyey Rasuulkiisu sala Allaahu calayhi wasalam sideeda xaqiiqada ah adigoo aan macnaha leexin, oo aan odhan sidee, ama tafwiidin, sida Istiwaaga, ama soo degitaanka, ama Gacanta, ama Imashada, iwm oo Sifaatka ah waxan u fasiraynaa sidii laga soo weriyey Salafkii, tusaale ahaan Istiwaaga waxa laga soo weriyey Taabiciintii tafsiirkeeda sida ku qoraan Saxeex Albukhaari inuu yahay kor iyo koraynta oo ah sidii ku haboon waynidiisa siduu yidhi Allaah tacaalaa: {ليس كمثله شئ وهو السميع البصير} {wax la mid ahi ma jiraan waxna wuu maqlaa waxna wuu arkaa}.

Kelmedo ay lagama maarmaan tahay fahimidoodu: -

• Taxriif – تحريف: waa marka laga leexiyo macnaha daahirka ah ee Aayataha iyo Xadiisyada saxeexa ah, oo lagu sheego macna kale oo baadil ah, sida Istiwaaga waxay u leexiyeen macnahiisa Istowlaa (إستولى) oo macanaheedu yahay waa qabsaday!
• Tacdiil - (تعطيل): waa jaaxidida Sifooyinka Allaah iyo ishortaagisteeda ama diidisteeda sida koraynta Allaah ka koreeya Samada, way diideen koraynta Kooxaha lunsani waxayna ku andacoodeen in Allaah meel kasta joogo.
• Takyiif – (تكييف): waa iyadoo la yidhaahdo Sifooyinka Allaah waa sidee, ama waa sidaa, tusaale ka koraynta Allaah ee Carshiga laguma shabahaayo kuwuu abuuray, sidee weeye ka korayntaasu Allaahu tacaalaa uun baa og.
• Tamsiil – (تمثيل): waa adoo ku tusaaleeya Sifooyinka Allaah khalqigiisa oo kale, lama odhanaayo Allaah wuxuu Samada uga soo degaa soo degitaankeenoo kale, Xadiiska soo degitaanka waxa weriyey Muslim, beena waxa ah ku u nisbeeyey shabahaada Shiikh Alislaam Ibin Taymiyah kamaanu helin Kutubtiisii, bal waxaanu ka helay sida xooga ah ee uu u diiday shabahaada iyo tusaalayntaba.
• Tafwiid – (تفويض): waa in loo daayo ogaanshaha shaygaa Allaahu tacaalaa, isaguun baa garanaaya, tusaale ahaan Salafkii tafwiida ayay ku samayn jireen kayfiyada ama sideeda, macnahase kuma samayn jirin tafwiid, tusaale Istiwaaga macnihiisu waxa weeye waa kormar laakiin kormarkaasu waa sidee Allaah uun baa og. Laakiin Kooxda la yiraahdo Almufawadah waxay tafwiid ku sameeyaan macnaha iyo kayfiyadaba ama sideedaba, taasuna waa mid ka soo horjeeda sidii laga soo weriyey Salafkii, sida Umu salamah radiya Allaahu canhaa iyo Rabiica Shiikh Iimaam Maalik Allaah ha u naxariistee iyo Iimaam Maalik Allaah ha u naxariistee waxay isku waafaqeen hadaladoodii in Istiwaaga in la garanaayo, sideeduna inaga qarsoontahay in la rumeeyaana ay waajib tahay, su’aasha layska waydiiyaan ay tahay bidca (waa kayfiyada), waa Iimaam Maalik wuxuu ku yidhi kii waydiiyey: Istiwaaga waa la garanaaya markaa sidee u yidhadaan in lays weydiiyaa waa bidca!! Taas suura gal maah haba yaraatee.

Adiga ayaanu ku caabudaynaa, adiga ayaanu ku kaalmaysan – إياك نعبد وإياك نستعين

• Waxay sheegeen Culimada Luqada Carabidu in Allaah tacaalaa ka soo hormariyey Mafcuulkii oo ah (إياك), Ficilkii oo ah (نعبدونستعين), si uu khaas uga dhigo Caabudaada iyo Kaalmaysiga kelidii uun inuu leeyahay oo aan cid lala wadaajin.
• Aayatdan uu ku celceliyo Ruux Muslimka ahi tobanaanka goor Salaada gudeheeda iyo dibedeedaba waa nuxurkii Suurada Alfaatixa waana nuxurkii Quraaka oo dhan.
• Cibaadada ay Aayatdaanu ka hadlaysaa waxay ka koobtaa Cibaada oo dhan sida Salaada, iyo Nadarka iyo Gowracaada iyo gaar ahaan Ducada siduu yidhi sala Allaahu calayhi wasalam :((الدعاء هو العبادة))[رواه الترمدي وقال حسن صحيح] ((Ducadu iyada ayaa Cibaada ah)), siday Salaadu u tahay Cibaado aanay banaanayn in loo sameeyo Rasuul iyo Weli toona ayey Ducaduna u tahay, bal waxa iska leh Allaahu tacaalaa kelidii: {قل إنما أدعوا ربي ولا أشرك به أحداً [الجن:20]} {waxaad tidhaahdaa Rasuulkii Allaahow waxaan u Ducaysanayaa Rabigayga uguna shirki yeeli mayo oo la wadaajin mayo cidna}, wuxuu yidhi sala Allaahu calayhi wasalam: ((دعوة ذي النون، إذ دعا بها وهو في بطن الحوت، لا إله إلا أنت سبحنك إني كنت من الظالمين،لم يدع بها رجل مسلم في شئي قط إلا إستحاب الله له [صححه الحاكم ووافقه الذهبي])) ((Ducadii Di Alnuun (waa Nebi yuunus calayhi salaam) ee uu ku Ducaystay isagoo Nemeri Calooshiis ku jira:لا إله إلا أنت سبحنك إني كنت من الظالمي- ma jiro Jiritaanka ilaah kale oo xaq lagu caabudaa adiga mooyee adaa ceeb ka nasahan ee waxan ka mid ahaa Daaliimiintii- kuma ducaysan Nin Muslim ah weligeeda in loo ajiibo maahee )).

Wuxuu yidhi sala Allaahu calayhi wasalam: [رواه الترمدي وقال حسن صحيح] ((إذا سألت فاسأل الله وإذا اسبعنت فاستعن بالله)) ((hadaad wax waydiisan Allaah waydiiso, hadaad wax kaalmaysan Allaah kaalmayso)), wuxuu yidhi Iimaam Alnawawi iyo Alhaytami Tafsiirka Xadiiskan nuxurkiisa: hadaad kaalmo ama gargaaro dalbatoArin Arimaha Dunida iyo Aakhiro ka mid ah kaalmayso Allaah, gaar ahaan Arimaha aan cid kale awoodin Allaah maahee sida, inaad Xanuun ka bogsootid, ama Risqi doonato, ama Hanuun, waa wax yaabaha gaarka u ah Allaah kelidiis wuxuu yidhi tacaalaa: [الأنعام:17] {وإن يمسسك الله بضر فلا كاشف له إلاهو } {hadii Allaah ku taabsiiyo ama kugu rido dhib, cid kaa kor qaadi ma jirto ama kaa faydi isaga maahee}, kii doona Xujo Quraanka ayaa ku filan, kii raba Qayladhaanshi Allaah ayaa ku filan, kii raba wacdi Geerida ayaa ku filan, kii aanay Intaas midna ku filayn, Naarta ayaa ku filnaan, wuxuu yidhi Allaah tacaalaa: [الزمر:36]{اليس الله بكاف عبده } {miyaanu Allaah ku filayn Adoonkiisa}.

Kaalmaysiga Sharciga ah: waa inaad Allaah ka kaalmaystaa xal u helista Mushkiladahaaga.

Kaalmaysiga Shirkiga ahna: waa adigoo kaalmaysta cid aan Allaah ahayn sida Nebiyaalka, Awliyada dhimatay, ama nool oo kaa maqan, kuwaas kuuma hayaan wax waxtar ah oo ay ku tarayaan iyo wax dhib ah oo ay ku yeelayaan toon, mana maqlayaan Ducadaada, haday maqli lahaayeen inoomay jawaabeen, siduu kaga sheekeeyey Quraanku.

Kaalmaysiga se kuwa nool ee kula jooga waxay kari karayaan oo ah sida dhisida Masaajidada, ama inay Arimo kuu qabtaan ay kari karayaan iwm, way banaan tahay siduu yidhi tacaalaa: المائدة:2] {وتعاونوا على البر والتقوى} {isku gargaara Samafalka iyo Cabsida Allaah} iyo Xadiiska Rasuulka sala Allaahu calayhi wasalam: ((والله في عون العبد، مادام العبد في عون أخيه)) ((Allaah waa kii kaalmaynaya Adoonka, mar haduu Adoonku kaalmaynayo walaakii)), waxa kaloo ka mida ah Tusaalayaalka Kaalmaysiga banaan ee kuwa nool hadalkiisa tacaalaa: {فاستغاثه الذى من شيعته على الذى من عدوه[القصص:15]} {waxa kaalmo waydiistay kii Kooxdiisa ahaa,inuu ka kaalmayo Cadawgiisa}, iyo hadalka Allaah ee waydiisigii Dilqarnayn: [الكهف:95] {فأعينوني بقوةِ } {igu kaalmaya Xoog}.

Waxaa Allaah tacaalaa yidhi: [الأنعام:82]{الذين آمنوا ولم يلبسوا إيمانهم بطلمِ أولئك لهم الأمن وهم مهتدون} {kuwii aaminay Allaah iyo Diintiisa xaqqa ah ee aan huwin Iimaankooda Dulmi, kuwaas ayaa leh Nabad gelyo iyagaana Hanuunsan}.

Wuxuu yidhi Cabdullaahi Bin Mascuud markay soo degtay Aayatdanu way dhibsadeen Muslimiintii oo waxay yidhaahdeen: ((أينا لا يطلم نفسه؟ )) ((kaa yagee baan dulmin Naftiisah?)), markaas ayaa Rasuulkii sala Allaahu calayhi wasalam ku yidhi: [لقمان:13] ((ليس ذلك، إنما هو الشرك، ألم تسمعوا قول لقمان لإبنه يابني لاتشرك بالله إن الشرك لطلم عطيم)) ((maaha kaa, ee waa Shirkiga, miyaydaan maqal hadalkii Luqmaan ku yidhi wiilkiisii, inankaygiiyow ha u shiriik yeelin Allaah Shirkigu waa dulmi wayn )), Aayatdanu waxay ugu bushaarayn Mu’miniinta Muwaxidiinta ah(keliyey Allaah), ee aan iimaankooda huwin Shirki, ee ka fogaaday Shirkiga, waxay ka leeyihiin amaan buuxa Cadaabta Allaah ee Aakhiro, kuwaas baana Hanuunsan Dunida, wuxuu yidhi sala Allaahu calayhi wasalam: [رواه مسلم] ((الإيمان بضع وستون شعبة فأفضلها قول لا إله إلا الله، وأذناها إماطة الأذى عن الطريق )) ((Iimaanku waa dhowr iyo lixdan Shucbadood waxa ugu fadli badan hadalka ah Ma jiro Jirtaanka Ilaah xaq lagu caabudaa oo aan ahayn Allaah, waxana u hoosaysa Dariiqa oo aad ka du’do dhibta)). Waxa ku yimi Kitaabka la yidhaahdo (دليل المسلم في الإعتقاد والتطهير), oo uu qoray Shiikh Cabdalla Khayaad sidan soo socata: Qofku isagoo Bashar ah oo aan macsuum ahayn, wuxu lugaha la geli karaa oo ku dhici karaa in uu Allaah caasiyo, markaa haduu yahay Ehelka Towxiidka oo uu ka saafi yahay inaan wax yaabo yar yar oo Shirki ahi soo gelin Diintiisa, markaa keliyaynta uu Allaah keliyey, iyo mukhlisnimadiisa uu u yahay kelmeda: (لا إله إلا الله), ayaa waxay u noqon sacaada wayn iyo in Dunuubtiisa la dhaafo oo la baabiyo Xumaantooyinkiisa, sida ku timi Xadiiska Rasuulka sala Allaahu calayhi wasalam: ((من شهد أن لا إله إلا الله وحده لاشريك له، وأن محمداً عبده ورسوله، أن عيسى عبد الله ورسوله وكلمته التى ألقاها إلى مريم وروح منه، والجنة الحقُّ والنار حق اذخله الله الجنة على ما كان عليه من العمل[رواه البخارى والمسلم])) ((kii qira in aanu jirin Jiritaanka ilaah xaq lagu caabudaa oo aan ahayn Allaah kelidii oo aanu lahayn wax Shiriik ah iyo inuu Maxamed yahay Adoonkiisii iyo Rasuulkiisii iyo in Ciisa yahay Adoonkii Allaah iyo Rasuulkiisii iyo Kelmediisii uu ku tuuray Maryam iyo Ruux xagiisa ka yimi iyo inay Janadu dhabtahay tahay oo Naartu tahay dhab, Allaah wuxuu gelinayaa Janada wax kasti Camalkiisa ha ku jireen ee )), hadaba isku soo duuduub oo qiritaanadan uu qirayo Muslimku Usuuladan waxay waajib ka dhigtay inuu ku galo Janada Daarta nicmada haba ku jireen Acmaalkiisa wax yaabo ama taqsiiro sida ku timi Xadiiska Qudsiga ee Allaah tacaalaa yidhi:[حسن رواه الترمدي والضياء] ((يابن أدم لو أتيتني بقراب الأرض خطايا، ثم لقيتنى لا تشرك بي شيئاً لأتيتك بقرابها مغفرة )) ((Ibna Aadamow hadaad iila timaado Dhulka ku dhowaad oo Dembi ah iyo Macsiyada ah, oo aad ku dhimato Towxiid waxaan kuu siin in le’eg oo Dembi dhaaf ah )), Xadiis kalena wuxu yidhi sala Allaah calayhi wasalam: ((من مات لايشرك بالله شيئاً دخل الجنة، ومن مات يشرك بالله شيئاً دخل النار [رواه مسلم])) ((kii dhinta oo aan Shayna ugu shirki yeelin Allaah wuxuu geli Janada, kii dhinta oo Shay uun ugu shirki yeeli jiray Allaah wuxuu gelayaa Naarta)), dhamaan Xadiisyadaa waxaa inoogu cad fadliga uu leeyahay Towxiidku, iyo inuu yahay kan u keenaya Adoonka Sacaadada iyo inuu yahay Wasiilada ugu wayn ee keenta Dembi dhaafka iyo tirtirida Xumaantooyinka.halkaas ayuu ku dhamaaday hadalkii Shiikhu.

Dagaalka u dhexeeya Towxiidka iyo Shirkigu waa mid horeeyey ilaa Waqtigii Rasuulkii Allaah ee Nuux calayhi salaam, markii uu ugu yeedhay Qoomkiisii in ay Allaah caabudaan kelidiis oo ay iskaga tagaan caabudaada Sanamyada, wuxuu la joogay Kun Sanadood oo la’ Konton Sano, isagoo ugu yeedhaayay Towxiidka, waxay Jawaabtoodu ahayd sida lagu sheegay Quraanka: [نوح:23] {وقالوا لا تذرن الهتكم ولاتذرن وداً ولاسوعاً ولايغوث ويعوق ونسرا} {waxay yidhaahdeen ha ka tegina Ilaahyadiina, hana ka tegina Wada iyo Suwaac iyo Yaaquus iyo Yacuuq iyo Nasraa}, Bukhaari ayaa wuxu ka soo weriyey Ibin Cabaas radiya Allaahu canhumaa Tafsiirka Aayatdan wuxuu yidhi: Magacyadaasu waxay ahaayeen Magacayo Dad saalixiin ahaa oo Qoomka Nuux ka mid ahaa, markay dhinteen baa Shaydaanku u waxyooday Qoomkoodii inay Timsaalo dhigaan Meelihii ay fadhiisan jireen oo u bixiyaan Magacyadoodii si loogu xusuusto, way sameeyeen lama se caabudin markaa, markay kuwaasuna dhinteen oo Cilmigii nasakhmay ayaa la caabuday Timsaaladii. Rasuulo ayaa yimi Nuux ka dib ugu yeedhaya Qoomkooda inay caabudaan Allaah kelidiis oo ay ka tagaan waxay caabudayaan Allaah ka sokow ee Ilaahyo ah ee aan istaahilin caabudaada, waxaad dhegaysataa Quraanka isaga oo ka sheekaynaya wuxu yidhi tacaalaa: [الأعراف: 65] {وإلى عادٍ أخاهم هوداً قال ياقوم اعبدوا الله مالكم من إله غيره أفلاتتقون} {Caadna waxaan u soo diray walaalkood Huud, wuxu ku yidhi Qoomkaygow Allaah ka caabuda, maydin lihidin Ilaah aan isaga ahayne, miyaydaan ka cabsoonayn}, wuxuu kaloo yidhi: [هود:61] {وإلى ثمود أخاهم صالحاً قال ياقوم اعبدوا الله مالكم من إله غيره } {Samuudna waxaan u soo diray walaalkood Saalix, wuxu ku yidhi Qoomkaygiiyow Allaah ka caabuda, maydin lihidin Ilaah aan isaga ahayne}, wuxuu kaloo yidhi: [هود:84]{وإلى مدين أخاهم شعيباً قال ياقوم اعبدوا الله مالكم من إله غيره} {Madyana waxaan u soo diray walaalkood Shucayb, wuxuu ku yidhi Qoomkaygiiyow Allaah caabuda, maydin lihidin Ilaah aan isaga ahane}, wuxuu kaloo yidhi: {وإذ قال إبراهيم لأبيه وقومه إنني براء مما تعبدون، إلى الذى فطرني فإنه سيهدين [الزخرف:26:27]} {wuxu ku yidhi Ibraahiim Aabihii iyo Qoomkiisii waxan ka ahay berii waxaad caabudaysaan, kii I abuurtay maahee isaga ayaa I hanuunin}, waxay ahay jawaabta Mushrikiintu dhamaan Nebiyaalkii inay caaridaan oo inkiraan waxay la yimaadeen,oo ay ku dagaalamaan wax kasta oo ay kari karaan si xoog ah.

Waa kaa Rasuulkii Allaah sala Allaahu calayhi wasalam oo ay u yiqiineen Carabtu intaan la soo dirin Runle Aamin ah, markuu se ugu yeedhay caabudaada Allaah iyo Towxiidkiisa iyo inay ka tagaan wixii ay caabudi jireen Aabayaalkood, way ilaaween Runtiisii iyo Amaanadiisii, waxayna yidhaahdeen (ساحر كذاب) (waa Sixiroole Beenaale ah), waa kan Quraanku ka sheekaynaya jawaabtoodii wuxu yidhi: {وعجبوا أن جاءهم منذر منهم وقال الكافرون هذا ساحرُ كذاب، أجعل الآلهة إلهاً واحداً أن هذا لشيئ عجاب [ص:4،5]} {waxay la yaabeen (Gaaladii) inuu u yimid mid u digaya oo iyaga ka mid ahi, waxay yidhaahdeen Gaaladii kan waa Sixiroole Beenaale ah, ma wuxuu ka dhigay Ilaahyadii oo dhan Ilaah keli ah taasu waa wax la yaab leh } wuxuu kaloo yidhi: {كذالك مآ أتى الذين من قبلهم من رسول إلا قالوا ساحرُ أومحنون، أتوصوا به بل هم قومُ طاغون [الذاريات:51]} {sidaas oo kale uma iman jirin kuwii ka horeeyey(Gaaladii Makka) Rasuul inay yidhaahdaan waa Saaxir ama waa Waalan yahay mooyee, miyay iskula dardaarmeen, balse waa Qoom qooqay (xadgudbay) }.

Casrigan aan ku jirona marka Muslimku ugu yeedho walaalihiisa Muslimiinta ah Akhlaaqda wanaagsan iyo Run sheega iyo Amaanada maad helaysid Cid ku diidaysaa, haduu se ugu yeedho Towxiidka ay Dadka ugu yeedhi jireen Rasuuladii oo ah inaad Allaah u ducaysatid kelidii oo aanad u ducaysan wax ka sokeeya, sida Nebiyaalka iyo Awliyada kuwaas oo ah Adoomihii Allaah, waa lagu kacayaa oo la diidayaa oo lagu tuhmayaa Tuhmo been ah, waxay odhanayaan waa Wahaabi! Si ay Dadka uga horjoogsadaan Dacwadiisa, haduu u soo daliilyo Aayat uu Towxiidku ku jiro waxaba qaarkood odhanayaan tani waa Aayat Wahaabi ah!! Hadiina uu u soo daliiliyo Xadiiskan oo kale: ((إذا سألت فأسأل الله وإذا إستعنت فاستعن بالله)) ((hadaad wax waydiisan waydiiso Allaah, hadaad wax kaalmaysana kaalamayso Allaah)), waxa qaarkood odhanayaan kanu waa Xadiis Wahaabi ah! Haduu Qofka tukanayaa Gacmihiisa saaro Laabta ama dhaqdhaqaajiyo Fartiisa markuu Tashahudka ku jiro siduu yeeli jiray Rasuulkii sala Allaahu calayhi wasalam, waxaa Dadku odhanayaan waa Wahaabi!! Markaas ayay waxay noqotay wahaabinimadu astaan Dadka Muwaxidiinta ah ee u ducaysta Rabigooda kelidii oo raaca Sunnaha Nebigooda. Wahaabina waxaa loo nisbeeyey Alwahaab waa nicma wayn oo Allaah siiyey Muwaxidiinta. Markaa Walaalaha Dadka Towxiidka ugu yeedhayaa waa inay sabraan oo ay ku daydaan Rasuulkii Allaah sala Allaahu calayhi wasalam ee uu Rabigii subxaanahu wa tacaalaa ku yidhi: {واصبر على ما يقولون وهجرهم هجراً جميلاً [المزمل:10]} {u sabir waxay leeyihiin (Gaaladu) iskagana tag tegitaan wanaagsan}, wuxuu kaloo yidhi tacaalaa: [الإنسان: 24] {فاصبر لحكم ربك ولاتطع منهم آثماً أوكفوراً } {ku sabir Xukumka Rabigaaga, hana ku adeecin iyaga (Gaalada) Dembi iyo Gaalnimo toona}, markaa walaalayaal Muslimiinta waxa la gudboon inay aqbalaan Dacwada Towxiidka, oo ay jeclaadaan kuwa ugu yeedhaya, waayo Towxiidku waa Dacwadii Rasuulada guud ahaan iyo Dacwadii Rasuulkeena sala Allaahu calayhi wasalam, markaa kii jecel Rasuulka sala Allaahu calayhi wasalam wuxuu jeclaan Dacwada Towxiidka kii neceb Towxiidkuna waa mid neceb Rasuulka sala Allaahu calayhi wasalam. Halkaas ayuu ku dhamaaday hadalkii Shiikhu, Allaah waxaan waydiisanayn inuu ka abaal mariyo Shiikha anana naga yeelo kuwa jecel Dacwada Towxiidka iyo dhamaan wuxuu la yimid Rasuulkii Allaah sala Allaahu calayhi wasalam oo nagu sugo ilaa intaan isla hortaagayno Allaah casaa wajalaa isaga taas weli u ah oo kari kara ee aamiin.

Xusuus: waxaa xusid mudan inaan sheegno in Dadka Ehelka Bidcada iyo Hawa raacu ay u qaybiyaan Towxiidka siyaabo fara badan mana ku sheegayno halkan hada, laakiin waxaan Rabaa inaan sheegno in Ehelka Sunnuhu ay u qaybiyaan Towxiidka saddex siyaabood oo kala ah sidan:

Tan kowaad: waa tan uu hada u qaybiyey shiikhu ee ah saddexda Nooc.

Tan Labaadna: waxay u qaybiyaan laba qaybood oo kala ah: 1- Towxiid fi almacrifa walisbaat-توحيد في المعرفة والإثبات – wuxu ka kooban Towxiidka Arubuubiyah wal asmaa wa sifaat. 2- Towxiid fi dalab wal qasd- توحيد في الطلب والقصد – wuxuna ka kooban yahay Towxiid Aluluuhiya wal cibaadah.

Tan saddexaadna: waxay u qaybiyaan Afar qaybood oo kala ah: 1- Towxiid Arubuubiyah, 2- Towxiid Aluluuhiya, 3- Towxiid Alasmaa wasifaat, 4- Towxiid Almutaabacah oo ah in Rasuulka sala Allaahu calayhi wasalam lagu keliyayo raacitaanka.